طارط بالكريم باتسيير والفواكه
السلام عليكم
طارط بالكريم باتسيير والفواكه
مقادير العجين
250 غرام دقيق
125 غرام زبدة (انا نقصت منها معلقة تقريبا )
بيضة
75غرام سكر
معلقة خميرة حمرا
شوية الملح
شوية الماء للعجن
مقادير وطريقة تحضير كريم باتسيير اضغط هنا
دابا ندوزو للطريقة :
غادي نخلطو مقادير العجينة مزيان (الدقيق/الزبدة/السكر/الملح/الخميرة/من بعد نزيدو البيض ونعجنوها غادي تجي ناشفة شوية نزيدو شوية الما غير باش تجمع من بعد نجمعوها ونديرو فسولوفان ونخلوها نص ساعة ترتاح
نسرحو العجينة وندهنو القالب ديال لطارط ونحطوها فيه ونقادو الجناب ونتكوها بالفرشيط وندخلوها للفرن حتى تحمر شوية
دابا هاهي العجينة مللي طابت ومعاها الكريم باتسيير والفواكه
غادي نسرحو الكريم باتسيير فوق العجينة ولكن حتى يبردو بجوج من بعد نستفو الفواكه حسب الشكل اللي بغينا ونديرو ليها الناباج من الفوق باش تكون كاتلمع وتقدم باردة وكاتكون راقية ويمكن ليكم ديروها فقوالب فردية الى بغيتو بالصحة والراحة
التعليقات على الموضوع