كيكة الحامض سهلة وهشيشة بصور

السلام عليكم و رحمة الله تعالى و بركاته

ليوم جبت ليكم كيكة الحامض كتجي غزالة بشهادة كل من داقها بلاما نطول عليكم ندوزو 

كيكة الحامض سهلة وهشيشة بصور

المقادير :

5بيضات

2 كاس سنيدة

1 كاس زيت

0.5 كاس حليب

1كاس عصير الحامض

ملعقة كبيرة قشور الحامض

1 فاني 

2 كاس فورص 

2 كاس سميدة رقيقة

2 خمارات

الطريقة :

كنديرو جميع المقادير في المولينيكس الا الدقيق و السميدة و الخمارات حتى كيتخلطوا مزيان كنديروهم في شي بانيو ؤ نزيدو عليهم الدقيق و السميد والخمارات كنخلطو شوية ؤ كنديروها في شي مول انا كنديرها في هادا والا بغيتيها تجيك اغلض من هكا ديريها في شي مول اصغر منو

مني كطيب كتجي على هاد الشكل

كنديرو ليها السيرو اللي هو عبارة عن نص كاس عصير الحامض ؤ نص كاس ماء ؤ كاس سنيدة مني كيغلاو كنطفيو عليهم ؤ كنسقيو بها الكيكة ديالنا

من بعد كندردروا عليها الكوك ؤ الفيرميسال اسود كيف هاد الشكل

ؤ ها حلوتنا واجدة 

كنتمنا تنال اعجابكم ؤ بالصحة و الراحة

دمتم في رعاية الله و الى الملتقى