طورطة باردة طبقات بفلان و البسكوي بالصور

طورطة باردة طبقات بفلان و البسكوي بالصور

المكونات :

حليب

فلان

بسكوي

قهوة (nescafe)

الزبدة

كاوبيل

مايزينة

الفاني ( اختياري )

المقادير و الطريقة :

بالنسبة لنصف لتر حليب كندير :

3 معالق كبار سكر و 2 معالق كبار مايزينة و 1 فلان انا هنا درت ديال الفريز و فاني

ثم كنخلطت كلشي بالحليب و نديرو يغلي بحال يلا كنوجدو الفلان بلا ما يعقاد 

ثم كنفزك البسكوي ف نسكافي مدوبة و نستفو فمول مستطيل ( انا درت 2 طبقات من البسكوي )

هنا ملي وجد درتو فوق البسكوي و دخلتو للفريكو يبرد و يشد راسو 

ندوزو لتوجاد الكريمة غادي نحتاجو :

-كاس الماء

2 معالق سكر

2 معالق مايزينة

2 معالق كاوبيل

2 معالق نسكافي

2 معالق زبدة

كندير الما بالكاصرولة ثم كنضيف مايزينة و ونخلط مزيان حتى تتطلق ثم كنضيف نسكافي و الكاوبيل عاد الزبدة 

ثم كنديرها فوق البوطة حتى تعقاد

ثم كنضيف الكريمة فوق الفلان البارد 

و هنا ملي بردات مزيان 

و هنا عاودت درت طبقة اخرة من البسكوي مفزك فالقهوة 

زوقتها فقط بشوية ديال الكوك و الفريز غير قبلو عليا 

و هكدا كتجي من الداخل 

نتمنى تعجبكم و تجربوها كتجي خفيفة و كيحماقو عليها الوليدات من عام لفوق عن تجربة