ضفيرة بالكفتة مع سر طريقة إعداد عجين المورق ناجحة

السلام عليكم ورحمة الله وبركاته

ضفيرة بالكفتة مع سر طريقة إعداد عجين المورق ناجحة

من الاخت ام اسامة وايمان جزاها الله عنا كل خير

هدا احسن عجين مورق جربت لحد الآن والسر كيكمن في نوع الزبدة إن شاء لله تجربوها وتعجبكم كيف عجبتني

مقادير وطريقة تحضير مملحات رمضانية 2015 : ضفيرة بالكفتة مع سر طريقة إعداد عجين المورق ناجحة

مقادير عجين المورق

400 غ دقيق

250 غ زبدة بونا

م ك زبدة ممكن تعويضها بملعقة زيت

م ك خل

ملح

م ك سكر إختياري

ماء لجمع العجين

طريقة تحضير العجين المورق

نخلط الطحين مع الملح الخل والزيت أو الزبدة وشوية سكر ونجمعهم بالماء القياس لي يجمع العجين وصافي منكترش

وغير نجمعها برؤوس الأصابع ما نعجنها ما ندلكها نعملها في كيس بلاستيك ونخليها ترتاح

نطلق العجينة ونزل وسطها الزبدة بعد ما نطلقها شوية بيدي ونطويها بالضبط كيف باين فالصور ونعملها في كيس ونخليها ترتاح 30 دقيقة فالبرد مكنعملهاش فالثلاجة لكن دابا الجو سخون

الزبدة إدا مكنتش الحرارة بزاف متعملوهاش فالثلاجة حيت هي فالأصل قاصحة بزاف

بعد ما ارتاحت غادي نطلقها في نفس الإتجاه كيف منزلاها

وطويها على 3 كيف باين ونخليها ترتاح مرة اخرى

ومنين ترتاح غادي نطلق العجين من الجهة لي فيها 3 طيات لي فيهم السهم وهنا عاد كنبدا الحساب د عدد الطلقات لي بغيت نعمل . فهاد الوصفة غادي نحتاج عجين في 5 طلقات

مقادير الحشوة

1 بصلة

تون أو كفتة

شوية صلصة

زيتون أبيض مقطع

ملح و إبزار

زيت

الحار

لفاش كيري وفروماج الساندويتش أو أي فروماج تفضلونه

طريقة تحضير الحشوة

نقلي البصل في قليل من الزيت نضيف الكفتة ونفرتتها حتى تطيب , نضيف

الملح والتوابل والحار والزيتون ونترك الحشوة تبرد وتصفى من الزيت

طريقة التشكيل :

نطلق العجين رقيقة على شكل مستطيل , نقوم بطي العجين بالطول ونقطع كما هو موضح في الصورة

ثم نقوم بوضع الحشوة في وسط العجين ونبدء بتشكيل الضفيرة بلف شريط عجين من كل

جهة بالتناوب

نقوم بدهنها بالبيض وندخلها إلى الفرن

 بالصحة والراحة