كيفية عمل مربعات بالجينواز والكريمة روعة بالصور

السلام عليكم ورحمة الله وبركاته

كيفية عمل مربعات بالجينواز والكريمة روعة بالصور

مقادير مربعات بالجينواز والكريمة

الجينواز:

6 بيض

150g سكر

150g دقيق

كاكاو

1 لفاني

3 م ك ماء ساخن

للحشو :

سيرو

كريم شانتيي حلوة

للتزيين :

شكلاط

فواكه معلبة

بريزيليان

(او لوز مقلي ومهرمش)

طريقة تحضير مربعات بالجنواز والكريمة بالصور

كنخفقو البيض مع السكر،لفاني والماء حتى يتضاعف الحجم ديالو

من بعد كنضيفو لهم الدقيق مع الكاكاو مغربلين ونخلطو بسباتول او بملعقة خشبية من الاسفل نحو الاعلى

من بعد كنفرغو الخليط في طاوة تكون شوي كبيرة(او 2 صغار) وملبسة بورق الطبخ

وندخلوها الفرن حتى تطيب تقريبا 15د كنخليوها تبرد

دبا ندوزو باش نقطعوها

كنوضعو المول ديالنا وكنقطعو المرة الاولى 

ونعاودو نفس الشيء بالنسبة للقطعتين الثانية والثالثة وغادي يكونو عندنا مرقعين

كناخدو المول او الاطار وكنوضعو الطبقة الاولى من الجينواز(وكيفما كتشوفو مرقعة)كنسقيوها

بالسيرو+كريم شانتيي

نديرو الطبقة الثانية من الجينواز(وحتى هي مرقعة)+سيرو+كريم شانتيي

والطبقة الاخيرة كتكون كاملة+سيرو+كريم شانتيي

كندخلوها الثلاجة على الاقل واحد 3 ساعات من بعد كنزولو المول ونقطعوها مربعات

كنزينوها بالشكلاط والكريم شانتيي والفواكه

او ببريزيليان او لوز

(كناخدو الشكلاط ونقطعو بهاد السكين ليكنقشرو بيه البطاطا)

ثم نقدم مربعات بالجينواز والكريمة

وبالصحة والراحة