اعاني في صمت
+copy.jpg)
السلام عليكم اخواتي انا احسان 25 سنه متزوجة عندي 2 اولاد مشكلتي اني تقتي بنفسي قليله مع اني جميله متواضعه وايضا كنعاني من الرهاب الاجتماعي هادي 4
سنين بسبب التربيه الخاطئة لي تلقيتها انا ماكنلومش وليديا لان هادشي مكتبو عليا الله والحمد لله على كل حال والمشكل لي زاد عقدنيي نضرات بعض الناس ليا مثلا مرات لوسي عارفه نقطه ضعفي مني كنكونو مجموعين كتبقا دير شي تصرفات باش تفقدني التقه بنفسي انا كنحاول مانديهاش فيها ولكن هيا قبيحه بزاف مثلا كتبقا دير ديك الضحكه ديال الاستفزاز باش تطيح بيا وفعلا كتنجح في اغلب الاحيان والله البنات انا ماعمرني وصلتها بشي حاجه بالعكس باغيا ليها الخير ولكن هيا ماكاتحملنيش لاني بكل تواضع احسن منها فبزاف د الحوايج وكنحاول اني مانتلقاش بيها بزاف عاونوني عفاكم كيفاش نتصرف ملي نشوفها كضحك عليا …وكيفاش ندير نزيد تقتي فنفسي ؟ والبنات لي كان عندهم نفس المشكل كيدارو تا تغلبو عليه ولكم مني دعوه في ضهر الغيب وشكرا
من الاحسن راكي متفوق عليها بتواضعك بجمالك الله سبحانه عطاها داك الوسواس علاش غندير فيها مشكيل نتي اكبر من تصرفاتيها تقي فنفسك
ردحذفاختي انا كانت عندي نفس المشكلة هي الرهاب الاجتماعي وفقدان الثقة فالنفس. هاذ الشي خلاني شحال من سنة نفقد امور زوينة ونضيع شحال من حاجة من حياتي. واحد النهار بقيت نفكر مع راسي قلت انا بحالي بحال الناس عللاش الناس عندهم الثقة وانا لا. يعني المشكلة فيا انا ماشي فالناس. البداية كانت قراءة مجموعة من كتب التنمية البشرية وتطوير الذات كاتشفت منها ان ثقتي بنفسي وسعادي بيدي أنا وحدي وانا بامكاني نكون سعيدة وحزينة من خلال افكاري. الى كانت افكاري سلبية غادي تكون حياتي سلبية والى فكرت بطريقة زوينة غادي تتبدل حياتي فعلا بديت نواجه الناس علاش نخاف من مواجهة اشخاص بحالي بحالهم وتزادت ثقتي فنفسي وشخصيتي ولات قوية واهم حاجة بدلت نظرتي لنفسي وبقيت نشوف فالامور الزوينة فقط ونحمد الله عليها تصوري مع الوقت حسيت بحب الناس ليا . شوفي اهم شي نظرتك لنفسك الى كنتي تحترميها وعندك ثقة فالنفس الناس غادي يلاحظو ويتغير تعاملهم معاك. اما تعامل لوستك احسن طريقة التجاهل حسيها انها تافهة وماتؤثر فيك وكوني سعيدة وماتهتمي بتصرفاتها اكيد هي غادي تتوقف لانها مستمرة فافعالها لانك تبيني لها انها تستفزك. وماتعاملي معاها نفس التعامل انتي احسن منها كوني راقية فتعاملك وواثقة من نفسك. والحياة ماتضيعيها راه النهار اللي مشا ما يرجع. سلاااااااااااااااااااااااااااام
ردحذف