كراتان بالكفة معتبر لوجبة العشاء بالصور

السلام عليكم ورحمة الله وبركاته

كراتان بالكفة معتبر لوجبة العشاء بالصور

اتمنى ان تجربوها انها فعلا رائعة

المقادير :

1 كلغ ماقارونية فيسات 

500 غرام مطيشة 

بصلة متوسطة 

250 غرام كفتة او أكثر 

ملعقة ص ملح

ملعقة ص ابزار 

ملعقة ص تحميرة

ملعقة كبيرة زيت 

طريقة :

أولا نغلي الماء في برمة ونضع فيها المقرونية لتسلق نصف سلقة مع اضافة الملح 

ناخد مقلات ونحكو فيها البصل والطماطم مع العطرية والزيت ونخليو هادشي يتشحر شوية ونضيفو الكفتة ونحاولو نضغطو عليها بالمعقة علا ماتجانس مع باقي المقادير ونتركها جانبا 

هنا حكينا البصلة وماطيشا مع التوابل 

وهنا اضفنا اليها الكفتة 

ونشحرو الخليط مع اضافة 2 كؤووس متوسطة من المااء 

مقادير لصوص بيشاميل :

1/2 لتر حليب 

راس معيلقة ملح

2 معالق كبار زبدة 

2 الى 3 معالق كبار دقيق 

لصوص بيشاميل كلشي الاخوات كايعرفوها ولكن مافيها باس نعاودو ندكروو 

ناخدو كاصروولة ونضف فيها الزبدة دوب ونضيف الدقيق وها هي الصورة توضح اكثر 

وفي الاخير نضيف الحليب تدريجيا مع التحريك المستمر ومنين تعقاد نضيفولها الفرماج محكوك 

وهاهي لصوص واجدة زنحطوهاعلى جنب 

نصفيو الماقارونية من الماء ونضيفولها لاصوص دماطيشا 

دابا ناخدو المول ديالنا وندهنوه بالزبدة مزيان ونرشو عليه الدقيق 

ودابا نصبو الخليط دالمقرونية ومطيشة 

وفي الاخير ناخد لاصوص بيشاميل ونصبوها بالتساوي لكي تغطي جميع المقرونية 

وندخلها فرن متوسط الحرارة 

ونتركها حتى يصبح لونها دهبيا مثل ما في الصورة 

وهاهي وجبة ليومين 

لقد بدلت مجهووود لكي يصلكم هدا الموضوع مع تعكسليا البيسي عصبني يوماين وانا مع هاد الموضوع كانداك والحمد لله لي توصلنا لهاد النتيجة نتمنى ترضيكم 

وموضوعي ينال اعجابكم