الكعك الوجدي الرآائع باسهل طريقة

الكعك الوجدي الرآائع باسهل طريقة  

المقادير :

4 بيضات

3 كيسان سكر

3 كيسان و نصف زيت

شوية معجونة شي ملعقة كبيرة

3الزا حمراء

طبعا شوية جنجلان محمص

حبة حلاوة،نافع،بسباس اذا توفر

نسخنوهوم غي شوية،انا ماكنطحنهومش لان العجينة كتوللي بنية الا طحناهوم.
ملاحظة :

شوية من هاد الزرارع (جنجلان+حبة حلاوة+نافع+بسباس)

نديروهوم في 2 كسيان ماء،نغطيوهوم ونخليوهوم يطيبو فوق نار مهيلة،من بعد نصفيوهوم قيمة كاس،نضيفوه للمقادير. 

اوا الطحين حسب الخليط،العجينة متكونش قاسحة بزاف........ 

الصور ان شاء الله غادي توضح اكثر :

الطريقة :

درنا المقادير

هادي الكسرونة اللي طيبنا فيها دوك الزرارع

هنا بعد ما صفيناهوم،هادا سر خططططططير كيخلي ريحة الكعك ممممممم رائعة

ضفناه للمقادير و خلطنا كلشي

ضفنا الطحين حتى شدات العجينة راسها و كنلح تبقى شووووووية مطلوقة

نغطيو العجينة بميكة لانها دغيا كتشرب و تعدب فالخدمة

نبداو نحربلو بيدينا على هاد الشكل و نقطعو بالموس

ونشكلو على الشكل المعروف

ضروري تبقى العجينة مغطية و كل مرة ناخدو منها و نغطيوها

ها الصنية منين عمرناه،نكونو وجدنا بيضة مع شوية نيسكافيه،ندهنو ونضيفو شوية جنجلان

ها الصنية منين خرج من الفرن