طارطة باردة بطبقات بيسكوي سهلة
السلام عليكم ورحمة الله تعالى وبركاته
طارطة باردة بطبقات بيسكوي سهلة
المقادير :
2 باكيات ونصف بيسكوي صابلي و
عصير البرتقال
فاطار مربع نستفو قطع بيسكوي صابلي من بعد ما غمسناهم فعصير البرتقال
مقادير كريمة الطبقة الاولى :
نصف لتر الحليب
بيضة
ساشي فلان كاراميل
4 مربعات شكلاط اسود
2 معالق كبار كريم باتيسيير
2 معالق كبار ونص سنيدة (حسب الذوق)
نضيف المكونات لنصف لتر الحليب نوضع الخليط فكاسرول فوق النار مع التحراك حتى يعقاد
نوضعو لكريمة فوق لبيسكوي ندخلوها للثلاجة تجمد
مين تجمد نوضعو فوقها طبقة ثانية البيسكوي كل مرة نغمسوه فعصير البرتقال باش يرطاب
المقادير الكريمة الطبقة الثانية :
ربع لتر عصير البرتقال
معلقة كبيرة كريم باتيسيير
معلقة كبيرة سنيدة
ساشي فلان عادي
نضيف المكونات لربع لتر عصير البرتقال نضع الخليط فكاسرول فوق النار مع التحراك حتى يعقاد
نوضعوه فوق البيسكوي نفس العملية ندخلوه للثلاجة حتى يجمد
ثم نغطي لكريمة بطبقة البيسكوي
ندهن من فوق بلكونفتير الجاري ونرش بلكوك و اللوز ايفيلي
نزينها من فوق بخطيطات الشكلاط الاسود ندخلوها للثلاجة تبرد مزيان
نزولو الاطار وتقدم
هذا شكلها من الداخل
هذا طريف منها
بالصحة و الراحة
التعليقات على الموضوع