كرتان بالشفلور وبطاطا بصور
كرتان بالشفلور وبطاطا بصور
المقادير :
شفلور مصلوق
بطاطا مصلوقة مع تومة
كفتة
بصلة مشلظة
فلفة حمراء مقطعة رقيقة
ملح +ابزار+كامون +تحميرة
عطرية د الكفتة
2بيضات
معدنوس+زيت بلدية
صوص بيشاميل:
نصف لتر حليب
3معالق زبدة
3معالق طحين
ملح +ابزار+كوزة محكوكة
فرماجة+فرماج محكوك
الطريقة :
كنشحرة بصلة وفلفلة
وكنزيدو كفتة
والمعدنوس والعطرية للي كتبت ونشحرو حتى تنشف الكفتة ونخليوها على جنب
البيشاميل :
ندوبو الزبدة ونضيفو الطحين ونحركو ونضيفو الحليب مع التحراك حتى تطلق وتختار ونضيفو ملح وابزار وكوزة وفالاخير فرماجة
ونرجعو ناخدو الشفلور وندوزرة فبيضة مطربة ونقليوه
ونخليوه ينشف ويبرد
ونمعسوه هو البطاطا
ونضيفو ليه البيضة للي بقات وشوي د البيشاميل ومعدنوس وملح وابزار
وندهنو المول بالزبدة ونرشوة بالشابلور ونسرحو فيه نضف الخليط ونضيفو الكفتة للي شحرنا
ونزيدو نصف الاخر نغطيو بيه
ونرجعو ناخدو البيشاميل للي بقا ونخلطوه مع فرماج محكوك ونديروه من الفوق
وندخلو المول للفرن يطيب ونقدموه سخون بالصحة والراحة
كنتمنى الوصفة تعجبكوم وتجربوها فعلا كتجي راااائعة
التعليقات على الموضوع