كيكة بالشكلاط في وسطها شكل قلب رائعة

السلام عليكم

الكيكة بشكل جديد و قلت نشارك به الانيقات , ممكن ديرو الكيكة المعتمدة عندكوم

موضوع صفاء جزاها الله خيرا

المقادير :

6 بيضات

كاس يوغورت 

نفس الكاس, درت كاس و نصف سكر

كاس زيت

دقيق على حسب الخليط 

2 خمارات

فاني

2 معالق كاكاو

ملون احمر

للتزيين شكلاط دايب

و حليوات على شكل قليبات 

الطريقة :

طربت البيض و السكر و الفاني من بعد زدت الزيت و اليوغورت و الدقيق و الخمارات و خلطت , قسمت العجين على جوج واحد درتليه الملون الاحمر باش حصلنا على لون زهري

درتو فمول مدهون و مرشوش بالدقيق و دخلتها الفران 

من بعد ما طابت خليتها بردات شوية و قطعتها بقطاعة على شكل قليب 

النصف الاخر ديال العجين كنزيدو ليه الكاكاو و كنديرو النصف ديالو فمول مدهون ,

نستفو القليبات

و نغطيو بالعجين المتبقي

 كندخلوه الفران منين يطيب نزينوه بالشكلاط دايب و حليوات ممكن ديرو لوز محمر و مهرمش او الكوك كل واحد و شنو بغا و صافي ها الكيكة واجدة , ممكن نفس الفكرة ديروها فالكاب كيك كيجيو رائعييين 

دمتن في رعاية الرحمان