طريقة ساهلة جدا لتجميد المطيشة والعصير البرتقال لمدة اطول

السلام عليكم اخواتي

طريقة ساهلة جدا لتجميد المطيشة والعصير البرتقال لمدة اطول

جبت ليكم طريقة الاحتفاض بمطيشة ساهلة بزاف و كتبقا في لونها والبنة ديالها هي هي 

ماشي بحال فاش كنطحنها وعاد نجمدها ،كتولي بيضا ومافيها مداق

المهم كناخدو مطيشة كنغسلوها مزيان وكنحيدو ليها هادــيك النباتة الفوق

ونقصموها على 4 ونديروها في بلاستيك ونديروها في المجمد حتا نبغيوها

نهار نبغيو مطيشة نجبدوها نديروها في كاسرول ونخليوها حتا تطيح ونطحنوها ونصفيوها

او نخليوها هكاك ،كتبقا مزيانة بزآآآآآآاف والبنة هي هي ووكتبقا حمرآآآآا بحال الا يلا جبتيها وطحنتيها

وبالنسبة لعصيــر البرتقــال طريقة ساهلة بزاف 

نعصرو ليمون ونديروه في قراعي البلاستيك

 او بلاستيكات ونديروه في مجمد نهار نبغيوه نجبدوه ونخليو حتا يدوب و ها عصير واجد وبارد

في امان الله و دعيو مع آلام ديــالي بالصحة وراحة البال