فلان الطبقات بالبسكوي

المقادير

كنحتاجو ل 3 لباكيات ديال الفلان

واحد فريز

واحد شكلاط

واحد بنان

و يمكن ليكم تعملو النكهات لحبيتو

شوية البسكوي

و الحليب

 كناخد المول ديال الكيك و نفرش فيه البسكوي مقطع

و نخوي عليه الفلان لكنصاوبوه عادي كل ساشي د لفلون ندوبها فنصف لتر حليب و السكر حسب الدوق و نعملو فوق العافية حتى يغلى و نخويه فوق البسكوي من بعد ندخلو للثلاجة حتى يقبط راسو شوية

و نمشي نوجد الفلان الثاني من بعد نخرج الفلان الاول من بعدما جمد و نرمي شوية البسكوي و نخوي الفلان و نعاود ندخلو للثلاجة حتى يقبط راسو  

بينما و جدي الفلان 3 و نعاود نفس العملية نعمل البسكوي و نخوي الفلان صافي و ندخلو للثلاجة

حتى يبرد مزيان و نديموليه و نزينو حسب الدوق انا ديرا دانون فالوسط و زوقت بشوية اللوز يمكن تعملو فواكه ......