طريقة عمل كريمة الزبدة لتزيين الكيك بالصور
السلام عليكم ورحمة الله وبركاته
طريقة عمل كريمة الزبدة لتزيين الكيك بالصور المشروحة
هادي وصفة ساهلة لكريمة الزبدة كتجي زوينة وخفيفة .
بسم الله نبداو مع المقادير :
مقادير كريمة الزبدة
2 بياض البيض
150 غ زبدة بحرارة المطبخ
125 غ سنيدة
نصف كاس صغير ماء (تقريبا 40 ملل ماء)
طريقة عمل كريمة الزبدة بالصور المشروحة
ناخدو واحد كاسرونة نديرو فيها السنيدة و الماء و نوضعوها فوق النار .
نبداو نطربو البيض ديالنا
غادي نحتاجو طراب كهربائي باش يطلع لينا الكريمة
ونردو البال مع السكر ملي اولي على هاد الشكل , من الاحسن خودي شوية من الخليط غي نقطة وضعيها في صحن , فزكي صباعك وهزيها شوفي واش تكون واحد الخيط , لي عندها ميزان الحرارة الخاص بالطبخ كتكون الدرجة وصلات ل 110 حتال 120,
نطفيو عليه و نبداو نزيده للبيض لي كيتطرب { غي بشوية حيت سخوووون}
وحاولي تهزي اديك شوية وتخلي مقدار خيط ينزل , ما تكوبيش الخليط بمرة , لان ابيض البيض غادي يطيب , وما غاديش تنجحي في تحضير المرانغ الايطالي
من غيرما نوقفو التطراب .
حاولي تبعدي على الجناب باش ما يقساحش فيهم السكر.
نستمرو حتى ابرد الخليط تماما .
ملي ابرد الخليط ديانا نضيفو الزبدة ونكملو التطراب
ملي توجد الكريمة نسموها بلي بغيتو , أنا استعملت 2 معالق كبار من نوتيلا.
امكن ليكم تستعملو البراليني او القهوة ... على حسب ذوق كل وحدة, وعلى حسب شنو لي متوفر .
غطيوها و دخلوها للثلاجة تشد شوية .
وهاهي كريمة الزبدة واجدة لتزيين الكيك
التعليقات على الموضوع