تزوجت شهر أو نص دبا ماشي عن حب

السلام عليكم أنا تزوجت شهر أو نص دبا ماشي عن حب هو كبر مني أنا عندي 20 أو هو 36 هو خطير فالكدوب و تمتيل غي تعرفت عليه عن طريق صديقة قلي نجي نخطب أنا باغي المعقول أو بنت ناس ، أنا كنقرا في مدينة بعيدة على دارنا ٬رفظت في الأول حيت كنبغي شخص آخر علاقتي معاه 4 سنين داز شهر سلات القرايا جيت لدارنا تخاصمت مع الشخص لي كنبغي مع أنه كان كبغني بزاف و ضريف بزاف عندو 24 عام و كنا متافقن نكمل قرايا و نتزوجو المهم سول فيا هداك السيد في الفايسبوك أو بقيت كنهدر معاه عطيتو نمرة ولا كعيط ليا ديما عمر ليا واحد الفراغ أو تبدلت من جهت الأول ولا كعيط باغي إتصالح مكنجوبوش . مهم داك السيد جبد معايا موضوع الزواج قلتها ماما قالت إجي إخطب نعرفوه أنا بقيت حايرة على قبل الأول ،تاقيت بواحد صاحبتي عمراتني عليه و قاتلي سيري تزوجي … أو البنت ليعرفاتني عليه حتا هي بقات كتشكر لي فيه را خدام مزيان …. إوا أنا عمرت قلت أنا نفكر فراسي لاش كنفكر فيه و خاصني نساه و أنا نوافق جا خطبني مع العلم أنه مزوج و مطلق و عندو توام ، تزوج لمدة شهرين و طلقها المهم بقا كحلم عليا أو كصور ليا أن الزواج جنة … أنا معودت لحتا واحد أنني تخطبت أو الأول بقا كعيط فنمرت الدار باش أنا نشوف نمرتو أو نعيط حيت أنا بدلت نمرتي المهم ملي قرب العقد بديت كندم أو بغيت نتراجع أو قلت ليه صافي نساليو الخطوبة داروها ناس باش إتعارفو أو إتفاهمو وهو بقا كقول ليا خصنا نبركو أو نهدرو فهاد شي المهم تلاقيت بيه داني لدارهم وتم خدا ليا شرفي مكانوش دارهم دار لي هكا باش نبقا معاه خرج خدا ليا ديك ساعة خاتم زواج أو قالي غندرو العقد من تم تحولات حياتي جحيم ندمت بزاف على لي كنت معاه كان محافظ عليا المهم مشيت عندو قتليه راني تزوجت قالي فسخي العقد أو نجي ناخدك ملي قليه را مشيت عندو بقا كبكي أنا 4 سنين أو أنا محافظ عليك كنتسنى نتزوجك أو نتي مدرتيش بحسابي قالي غي تزوجي الله إسهل عليك أنا صراحة دارت بيا دنيا وليت باغا نسمح فراسي أو نخليه ولاو المشاكيل بزاف ولا كضربني أو كتعصب عليا أو كحكم فيا فكلشي واحد نهار تناقشنا نتفني و ضربني عيط لمو باش تصالحنا زادت كملات علينا قاليا ماتفاهمتوش الله إعون قتلها بيناتنا مشكل قاتلي مترميش الباطل على ولدي وبقات كتعير فيا جا هو قالها اه أنا مولاها أنا عيط لبابا قلتها ليه داز نهار كحل الغد ليه كاتبونا،داني فابور لا صداق لا دفوع لا عرس .دابا ولا كضربني واحد ضرب حيواني بحالا أنا مكنحسش أو كرجع إطلب سماحة أو كنسمح ليه أو كخرجني نبدل الجو أو كنقول صافي خصني نصبر او كعاود إضربني .أنا مليت حياتي أنا مكنبغيهش أو ديما كنفكر فلي كنبغيه ندمانة بزاف كنظل نهار كامل نبكي. أنا دابا جيت لدارنا 4 أيام هادي طلبت الطلاق بابا مباغيش ولكن قالي رتاحي أو فكري مزيان أولا طلقتي غتبقاي جالسة فالدار لا قرايا لا خروج أو أنا وليت كنقول اللهم في دار أو مرتاحة أولا داك الجحيم آه نسيت عترف ليا أنه تزوج ماشي غي مرة تزوج 4 مرات أو طلق لولا جلسات هعاه شهر تاية سيمانة تالتة شهرين هادشي قالو ليا قبل العقد ولكن كان رابطني بيه مكان عندي مندير.واش مزال غادي نعيش حياة طبيعية …. سمحو ليا