غريبة بكاوكاو سهلة وهشيشة كتذوب في الفم

غريبة بكاوكاو سهلة وهشيشة كتذوب في الفم

المقادير :

125غ مارغرين ،

250غ كاوكاو محمر ومطحون

كأس زيت 

كأس سكر 

قبصة ملح 

دقيق حسب الخليط

للتزيين :

سكر كلاصي

الطريقة :

نعجنو الزبدة مزيان ثم كنضيفو ليها السكر ونخدموهم مزيان ثم كنضيفو الزيت وكنخلطو ثم الكاوكاو وكنضيفو الدقيق حتى كتجمع ليها العجين .

تم كنبداو نشكلو العجين ديالنا كويرات ونعلوهم في طابع المعمول باش إيجيو قد قد تم كنعملوهم في لاطة ثم كندخلوهم الفرن .

ملي كيطيبو نخلوهم في الاطة حتى يبردو عاد نزولوهم باش مايتهرسوش حيت كيكونو هشاش بزآآف تم كندوزو الحليوة ديالنا في السكر كلاصي وكنقدموها بالصحة والراحة