حلوة لاكريم سهلة ورائعة بصورة

حلوة لاكريم سهلة ورائعة بصورة

موضوع أخت عفاف

المقادير حلوة لاكريم

 :

الجينواز :

3البيضات

100غرام سنيدة

100غرام فورص من النوع الممتاز

2خمارات

1فاني

الكريم :

باكية شونتيي

كاس كبير حليب بارد

2 فاني

ملعقة صغيرة قهوة سريعة الدوبان

للتزيين​ :

شكلاط اسود 

لوز محمر و مهروش​

طريقة تحضير حلوة لاكريم  :

نطرب البيض+سنيدة+فاني مزيان حتى يتضاعف حجمه 3 مرات

من بعد نزيد الطحين ونخلط بالملعقة على شكل 8

ثم نضيف الخميرة

من بعد نعملوها في مول مدهون بالزبدة ومرشوش بالدقيق انا هنا عملت المقلة الثقيلة لحقاش المول كان مشغول 

وندخلوها للفران

في هاد الاثناء كنوجدو الكريمة, كناخد بانيو كنخوي فيه القياس ديال الماء بااااارد مزيااان ونعمل فوسطه بانيو آخر كما هو موضح في الصور هاد الطريقة كتضمن ان الكريمة تطلع ليك ومتدوبش خصوصا فالحال سخون

من بعد نخويو الشونتيي غبرة ونضيفو الحليب والفاني ونطرب حتى تعقاد ونقسموها على زوج النص نخليوه عادي والنص نصيفو ليه القهوة ونعملوها فالثلاجة

ندوزو للسيرو باش غنسقيو الكيك انا كندير كاس ماء كبير +2معالق كبار مربى ونغليهم وصفيهم

ملي طابت الجينواز كنقسمها على 2 ونسقي القطعة الاولى وندهنها بكريمة القهوة ثم نحط القطعة الثانية ونسقيها وندهن الحلوة بكريمة الفاني من الوجه والجوانب ونزينها بالشكلاط مدوب والجناب باللوز مهروش وندخلوها للثلاجة

هدا هو الشكل النهائي