مسمن بحشوة مميزة بالبيض من اروع ما يكون

مسمن بحشوة مميزة بالبيض من اروع ما يكون

اليوم جبتلكوم مسيمنات من ابتكاري الشخصي

كيطلعوا شهوة منهم و رااائعين كنتمنى تجربهوم و يعجبوكوم

موضوع الأخت أم البنات باركة الله فيك

لمسيمنات ساهلين اعتمدوا الطريقة الي موالفين 

لكن ما فيها باس نشارككوم كيف عملتهوم اليوم

المقادير :

زلافة دقيق الفينو
زلافة فورص

ملح و نصف معلقة سكر
 نصف معلقة خميرة
الطريقة :

عجنت الكل عالاقل ربع ساعة حتى حصلنا على عجينة لينة و رطبة

شكلتها كويرات مسحتهوم بزيت 

وخليتهوم يرتاحوا نصف ساعة

فرقت لمسيمنات كيف العادة و دهنتهم بزبدة و جمعتهوم

كملت الكمية

وبديت باول وحدة طلقتها شوية و طيبتها نصف مدة الطهي

وخليت الكل يبرد

فهااد الاثناء وجدت الحشو

4بيضات خلطتهوم مزيان مع مرتدلا و نصف حبة فلفلة حارة و ممكن تستعملوا الحلوة شوية من البصلة الخضارية و الجبن و ملح و الابزار و رشيشة الزعتر

غير بردوا لمسيمنات فتحناهوم من الجنب وبدينا نضغطوا بالايد حتى حصلن على فجوة كبييرة 

و مع تنفخوا و تفرقوا فالعملية ساهلة

كنعمل مغرف من الحشو فقلب المسمنة و نسدها 

ونعاود نعملها تطيب راها مكاتاخدش الوقت كتحمر و البيض كيطيب فوقت وجيز 

كنقدمها سخوونة كتطلع لذيييذة و بصحتكوم و راحتكوم