بيتزات صغار معمرين هشاش و لذاذ

بيتزات صغار  معمرين هشاش و لذاذ

مقادير العجين

400 دقيق

2 معالق كبار نشا

نصف كأس صغير زيت

خميرة معجونة

معلقة كبيرة سكر

بيضة 

شوية الملح

ماء دافي

مقادير الحشوة

صلصة الطماطم

2 علبات صغار طون

زيتون أخضر مقطع

فرماج محكوك

دنجال مقطع مربعات ومقلين 

فلفلة مقطعة مربعات و مقلية

لتزيين 

حبات زيتون أخضر أو أسود

فرماج محكوك

تندوب الخميرة في شوية الماء مع السكر وتنضيف لهم باقي المقادير

مع اضافة الماء حتى نحصل على عجينة لينة و نخليها تخمر

لتحضير صلصة الطماطم 

نأخذ مطيشة محكوكة نضيف لها معلقة كبيرة طماطم مركزة و شوية الزيت

و ثوم و ملح و ابزار و نخليها على نار مهيلة حتى تعقاد و نحك عليها شوية الزعتر

بعد ما خمرت العجينة قسمتها الى كرات صغار تنبسط كرة العجينة

تنوضع عليها شوية من صلصة الطماطم ثم الطون مصفي و الزيتون و الفلفلة و الدنجال

هاد المرة ما عملتهومش ما كانوش عندي جاتني الحشوة قليلة 

كما يمكن لنا نضيفو أي حاجة تتعجبنا في البيتزا ثم الفرماج محكوك و نجمع العجين على الحشوة

تنقلبها على وجهها تنثقبها بعود 5 أو 6 ثقبات و تندهنها بصلصة الطماطم و تنتك و سطها زيتونة

و تنعمل عليها الفرماج محكوك من الفوق حتى نكمل كل العجين لي عندي و تندخلهم الفران يطيبو

هنا بعد ماطبو تيجيو هشاش بزاف