كيك طارط بالتفاح و دقيق القمح الكامل

السلام عليكم و رحمة الله. 

جيت نشارككم اليوم بهاد الوصفة ونتمنى تنال إعجابكم وتجربوها .

درت مزيج بين 2 وصفات وستعملت القمح الكامل حتى نولفو لأولادنا أكل صحي.

المقادير :

3 بيضات

نصف كاس زيت

كاس إلا ربع سكر بني

كاس عصير البرتقال

قشرة حامضة محكوكة

2 كيسان دقيق القمح الكامل

2خمارات. ( 7غ للوحدة)

4 تفاحات

ملاحظة : لي عزيز عليها لحلاوة تستعمل كاس سكر

الطريقة :

نطربو البيض والسكر والزيت وعصير البرتقال و قشرة الحامض مزيان.

نزيدو دقيق لقمح الكامل ولخمارات ونخلط.

نزيد 2 تفاحات مقشرين ومقطعين طراف صغار ونخلط.

نكب الخليط فمول مذهون بالزبدة و مرشوش بدقيق القمح الكامل.

نحط فوق الخليط شنانف تفاح ( 2 تفاحات أو أكثر حسب الحجم)

وندخلها لفرن متوسط الحرارة 40 دقيقة.

ملي خرجت من فران ذهنتها بمربى الجزر( ممكن إستعمال مربى المشمش أو البرتقال.

هاد طريف لأول وحدة تدخل.