طرطة بالموز والفلان بالصور

طرطة بالموز والفلان  جربتها وعجباتني خصوصا الطبقة ديال الكيك جا خفييييف بزاف نخليكم مع المقادير

مقادير الكيك:

200 غ دقيق

قبصة ملح

2 بيضات

1 خميرة الحلوى

1 كيس فاني (انا استعملت غير نصفها)

1 ياغورت

كاس سنيدة

كاس زيت

الطريقة:

نخلطو البيض مع السكر والفاني والملح ثم نضيف الياغورت والزيت

ثم نضيف الدقيق مع الخميرة 

نخلط حتى تنسجم العناصر ثم توضع في المقلاة الثقيلة المدهونة بالزبدة والمرشوشة بالدقيق

تحضير كريمة باتسيير:

نصف لتر حليب

2 ملاعق كبيرة بودرة كريم باتسيير

4 ملاعق كبيرة سنيدة

( او اي وصفة كريم باتسيير عندكم )

نخلط كل المقادير وتوضع على نار مهيلة مع التحراك حتى تعقاد كريم باتسيير

الفلان بالليمون:

ربع لتر عصير البرتقال

1 كيس فلان ( الى استعملتي الفلان بدون سكر كضيفي السكر على باقي المقادير)

الموز الكمية الكافية

كنوجدو الفلان عاد فحال طريقة الفلان بالحليب

ونقطع الموز دوائر

من بعد ما تخرجي الكيك من الفرن يقطع ويوضع في الاطار ملبس ب rhodoid

انا استعملت rhodoid بوحدو شديتو بالكرافوز باش تشوفو المونتاج هههههه

كنوضعو كريم باتسيير وفوقها دوائر الموز

ثم الفلان

نزين بدوائر الموز حسب الرغبة وندهنوهم بالناباج

هاهو شكلها بالصحة والراحة

لا تنسوني من دعائكن الخالص للأمة الفقيرة لله