مسمن بطريقة جديدة من مطبخ امَّة الله بصور
السلام عليكم
مسمن بطريقة جديدة من مطبخ امَّة الله بصور
موضوع الاخت امَّة الله جزاها الله خيرا
المسمن
كلشي تيعرف ليهم تبارك الله انا حبيت نقدم ليكم طريقتي وخصوصا
للاخت خديجة 1 لي بغات تشوف طريقتي نتمنا تعجبها وتعجبكم
نبداو بسم الله
على بركة الله
المقادير :
2 زلايف فينو رطب
1 زلافة طحين فورص رطب
معلقة صغيرة سنيدة لي كيبغي نكهة الفاني يدير شوية
قريصة خميرة الخبز
ملح
ماء دافئ للعجن
زبدة محكوكة+زيت+خمارة للتوراق
كتعجني عادي غير انا مكنعطيهاش الما من الاول كندلكها مزيان ونوعية الطحين مهمة كتخلي العجين دغيا يترخف
ومتكونش مرخوفة بزاف خاص تكون مدلوكة و شادة شوية
ونخليوها ترتاح ونعملو كويرات صغار ونغطيوهم ببلاستيكة
الزبدة نحكوها ونخلطو معاها زيت و خميرة الحلوى هادا هو سر ديالهم
طحين فينو باش تفرقي ديريه فشي قريعة بحال ديال الملح فيها تقيبات حيث مع يديك
كيكون فيهم الزيت وملي كتبغي ترشي كيلصق ليك الطحين و اخترعت هاد الطريقة
نبسطو 2 كويرات وحدة ندهنوها بخليط الزبدة ونرشو شوية الفينو
والكويرة الثانية نعملوها فوقها
نكررو العملية حتا نساليو كلشي
نطلقو وحدة ونورقو بخليط الزبدة ونرشو الفينو
ونطويوها بحال الرغيفة
ونكملو الباقي
وهادي الطريقة العادية ديال وحدة وسط وحدة غير تتشد الوقت
بالنسبة للطياب كنطلقو كل رغيفة ماشي بزاف والمقلة خاصها تكون سخونة والعافية شوية مجهدة
وغير نحطو الرغيفة ثواني غير تحس ونقلبوها
وبالصحة والراحة وبشي دعيوة ديال الخير
التعليقات على الموضوع