رغيفات بمسحوق الشكلاط في الفرن بالصور

رغيفات بمسحوق الشكلاط في الفرن بالصور

موضوع الاخت أم البنات جزاها الله خيرا

مقادير و طريقة تحضير عجينة :

العجينة عملو اي عجينة مسمن كتعتمدوها 

هنا عملت

زلافة دقيق القمح فينو نوعية جيدة

2زلايف دقيق الفورص

ملح

شوية سنيدة

شوية خميرة معجونة 

و عجنتهم بماء دافي

و خليتها ارتاحت نصف ساعة 

هاد الكمية عملاتلي 14حبة

و عملت زوج رغيفات كبار

كل رغيفة بها 7حبات وحدة وسط وحدة كما في الصور

طريقة تحضير :

لتهييئ الرغيفات ديالنا نحتاجو

العجين لي وجدنا 

6 معالق سكر سنيدة 

3 معالق شكلاط غبرة

خليط الزبدة والزيت للدهن

كنبسطو كل حبة و ندهنوها بخليط الزبدة و الزيت و نرشو الشكلاطوالسنيدة

و نعملو وحدة فقلب وحدة 

حتى نكملو 6 حبات و السابعة نرشوها بالدقيق فقط

نخليوها ترتاح نصف ساعة و نبسطوها من جديد ونرشوها بالزبدة

و ندخلوها لفرن على حرارة متوسطة حسب الفرن

و هي سخونة نسقيوها بالعسل و نرشو عليها شكلاط محكوك

ونقطعوها قطع بالشكل لي بغينا

وهاهما رغيفات واجدين

بالصحة والراحة