كيكة لكسكاس سهلة ولذيذة بصورة
السلام عليكم ورحمة الله تعالى وبركاته
كيكة لكسكاس سهلة ولذيذة بصورة
موضوع الاخت ام دعاء جزاها الله خيرا
المقادير :
1 بيضة
كاس قريب لعمارة عصير البرتقال
نصف كاس سنيدة
ربع كاس الزيت
قشور برتقالة محكوكة
خمارة الحلوى
كاس وربع الدقيق (حسب الخليط)
الطريقة :
في خلاط كهربائي نوضعو بيضة +الزيت عصير البرتقال وقشورها سنيدة
نخلط الكل نضيف في الاخير الدقيق مع الخمارة نوضعو الخليط فكؤوس
مدهونين بالزبدة مرشوشين بالدقيق او فناجين القهوة او زليفات نوضعوهم
فكسكاس نكونو وضعنا الماء غليان فلبرمة
نغطيو لكسكاس بثوب باش ما يقطرش البخار على لكيك
ونغطيوه بغطاء البرمة نوضعوها فوق النار لمدة نصف ساعة
هذا شكل لكيك مين وجد
التزيين حسب الرغبة
استعملت كريمة البرتقال
(كاس قريب لعمارة عصير البرتقال اصفر بيضة معلقة
صغيرة الزبدة معلقة صغيرة بودرة كريم باتيسيير معلقة كبيرة سنيدة نخلط الكل
فكاسرول نوضعوه فوق النار مع التحراك حتى تعقاد)
رشيت من فوق الشكلاط الابيض و الاسود محكوكين
بالصحة و الراحة
التعليقات على الموضوع