طريقة تحضير خبز مغربي بسميدة رائع
بسم الله الرحمن الرحيم
السلام عليكم و رحمة الله و بركاته
طريقة تحضير خبز مغربي بسميدة رائع
المقادير :
1كيلو الدقيق مسمد اي سبيسيال
2معالق صغار حليب نيدو بودرة
1معلقة صغيرة سكرسنيدة
2معالق صغار خميرة فورية
كاس صغير مخلط نصف زيت المائدة و نصف زبدة مدابة
كاس صغير حليب سائل
ملح حسب
ماء دافئ للعجين
سميدة متوسطة للتقراص
الطريقة :
نخلطوا جميع المقادير في العجانة مع اضافة الماء الكافي و الدلك جيدا لمدة 10 حتى 12 دقيقة
حتى نحصل على عجين املس و كيلصق شوية في اليد
نخليوه يرتاح لمدة 1 ساعة
نرشوا السميدة المتوسطة فوق طاولة تم نقسموا العجين الى 14 كرة يكونوا نفس القياس
مع الرش بالسميدة
ثم نعملوه في صينية الفرن مرشوشة بالسميدة و نكرصوهم واحد الشوية
نغطيوهم و نخليوهم يخمروا واحد 45 دقيقة او حسب الجو
نسخنوا الفران من قبل تم نطيبوهم حتى يتحمروا
و نقدموهم في الصباح او العشية مع القهوة و اتاي ما اروعهم كنتمنى تجربوهم لانهم يستاهلوا
بالصحة و الراحة
التعليقات على الموضوع