كاشير بطريقة جديدة وزوينة شرح بالصور
السلام عليكم و رحمة الله و بركاته
خطوات اعداد كاشير بطريقة جديدة وزوينة خطوه بخطوه بالصور
نبدو بسم الله
مقادير
7بيضات
4 فرمجات مربعين
ضمة البنة ماجي بكري (ضروري)
معلقة صغيرة قزبر مطحون يابس
200غرام الكفتة دجاج او ديك الرومي
2فصوص توم كبار
كاس زيت صغير
10معالق كبار الطحين
ملح +ابزار+سكنجبير
ملون احمر
زيتون اخضر بدون عضم
طريقة
في خلاط كهربائي تنعمل اول حاجة البيض +ملح+قزبر يابس +ابزار+سكنجبير
تنخدمو الكل مزياااااااااااااااااااااان
من بعد تنضفو ثومة+فرماج+الكفتة
وتنضفو الزيت ونخدمو عاود
وتنضفو الطحين بتدريج وضامة البنة وخلاط كيعمل
حتى نحصل خليط كثيف
كنفرغ خليط الى حصلنا عليه في اناء باش نضفو ملون
(كمية حسب الرغبة )
تنمزجو الخليط بخلاط يدوي كما هو واضح
في قالب مخصص لتحضير كاشير( الحجم الكبير ) تنصب القليل من خليط
كما هو واضح
تنعمل زيتون فحال هاكا
ونصبو قليل من خليط ونعمل مرة اخرى زيتون
هكدا حتى تكمل كمية اللى عندنا من خليط
وتنعملو يطيب في الكوكوط لمدة 30دقيقة
او في كسرولة 40دقيقة
هنا ها هو واجد
بالصحة وراحة
اقل ما اقول عن هاد كاشير انو اورع واحسن ب100 مرة من نتاع شريكات
نتمنى تجربه .....
مع
ارقا التحايا
التعليقات على الموضوع