غريبة الجنجلان و الكوك لديدة بزااااف
غريبة الجنجلان و الكوك
المقادير:
رابعة جنجلان محمر و مطحون
رابعة الكوك مطحون
رابعة سنيدة
كاس الزيت
4 بيضات كاملين
1 خمارة الحلوى
قبصة ملح
للتزيين:
جنجلان محمر
ماء الزهر
الطريقة:
نخلط جنجلان محمر و مطحون مع الكوك و سنيدة و نزيد البيضات و الزيت و قبصة الملح
نخلط مزيان حتى تنسجم كل العناصر...نغطي الخليط و ندخلو للثلاجة ليلة كاملة
في الغد نزيد الخميرة و نخلط
ندهن يدي بماء الزهر و نعمل من الخليط كويرات متوسطة الحجم
ندوزها فجنجلان محمر من كل الجهات
نستفها فوق لاطة الفران ملبسة بورق السولفيريزي
و ندخلها لفران مسخن من قبل و نقابلها غير تنفخ و تحمر شوية و نخرجها ما خصهاش تبقى مدة طويلة باش ما تقصاحش
كتجي معلكة و لديدة بزاااف و الأهم ساهلة و اقتصادية و مفيدة للصحة
نتمنى تعجبكم و تجربوها
اللهم أدمها نعمة و بارك لنا فيها و احفظها من الزوال
التعليقات على الموضوع