رغايف مغربية محشوة بالبصل والفروماج والزعتر

مقادير تحضير رغايف مغربية محشوة بالبصل والفروماج والزعتر
500غ فورص 250 غ فينو انا استعملت فرخ سميدة
ملح
قريصة خمارة معجونة
ماء لجمع العجين
للحشوة كمية من البصل مشظة ومشحرة مع زيت وملح
زعتر منقي ومغسول
فروماج السندويش حسب عدد حبات المسمن لي ناوية توجدي

طريقة تحضير رغايف مغربية محشوة بالبصل والفروماج والزعتر
نخلطو مقادير العجين ونعطيوها دليك لمدة 10 دقائق لحقاش سميدة تبغي دليك نخليوو عجينة ترتاح شوية

ونقطعوها كرات صغار في الزيت ونخليها ترتاح 10 دقائق قبل التعمار

نسرحو الكرة الاولى مزيان ونحطو ملعقة او اكثر من البصل المحمر نحطو فوقها فرماج السندويتش او ممكن نعوضوع بكمية من الفرماج الاحمر او اي نوع اخر نرش الزعتر بكثرة

ونرد الوجه الاول للعجينة على الحشوة ثم الوجه التاني للحصول على مستطيل طويل ..نرد الجهة اليمنى على الوجه ونقلب لمسمنة ديالنا ونرد الجهة اليسرى على الجنب لي كان التحت ...باش متتقطعش لينا لمسمنة ..وفي هاد الحالة منحتاجوش نديرو مسمنة في وسط مسمنة ..هاد الطريقة احسن وكافية انشاء الله الصور ستوضح الامر