خبيزات بالشحمة في الفرن بصور
خبيزات بالشحمة في الفرن بصور
هاد الخبيزات محمرين وخفاف من الداخل
وخا يبقوا عندك حتى 3 أيام تسخنهم في الفرن بحال يالله طابو
المقادير :
نحتاج للعجين:
دقيق الفورص
و شوية من الفينو
و الملح
و ملعقة سكر
و خميرة معجونة
و ماء دافئ للعجن
نحتاج للحشوة :
الشحمة
وبصلة مشلظة
وقزبور مقطع
ملح
البزار
الخرقوم
التحميرة
الصفيفرة
الطريقة :
يتعجن و يتدلك مزيان ونخليه يخمر
نأخذ الشحمة نقطعها رقيقة وبصلة مشلظة وقزبور مقطع
ونضيف لهم ملح و البزار و الخرقوم و التحميرة و الصفيفرة
نوضع الشحمة في مقلة على النار 5 دقائق و نخليها تبرد شوية
هنا العجينة خامرة
نقسم العجين ونديروه على شكل طولي ونخليه يرتاح
طلقت العجين على الطول و وضعت فوقه الشحمة
نلويها بحال الملوي
نخليه يرتاح مرة أخرى باش يسهال في التكراص
من بعد كرصتهم في طاوة الفرن
ودهنتهم بالشحمة لبقات في المقلة
خلتهم حتى خمارو دخلتهم لفرن ساخن على درجة الحرارة لي تنطيب فيها الخبز حتى تحمرو
تنتمنى تجربوهم غادي يعجبوكم
التعليقات على الموضوع