سر من اسرار الكيك بصور

سر من اسرار الكيك بصور

بالنسبة للكيك اكيد كلنا سواء مبتدئات فالحلويات او خبيرات مرة مرة او ديما كتجينا الكيك جهة طالعة و اخرى نازلة او منفوخة من الوسط و ماكيكونش منظرها زوين الا بغينا نزوقو بيها

المهم بلا تطوال السر كيكمن فواحد الشريط من الاليمينوم و القطن فنفس الوقت

هاد الشريط انا شريتو جاهز بالنسبة للاخوات المقيمات فامريكا او فبعض دول الخليج يمكن ليهم يشريوه جاهز من عند ويلتون

بالنسبة لهاد الشريط كيما قلت كيتكون من الاليمينيوم و القطن و كنعملو فلما بارد قبل منعملو على القالب ديال الكيك و ندخل الكيك للفرن النتيجة ان الكيك كتبقى مقادة و مكتنفخش 

المهمة الرئيسية ديال هاد الشريط انها كتساعد باش الحرارة تتوزع بشكل متساوي داخل المقلة و بالتالي النتيجة كتكون هائلة و تيقني نتيجة الاليمنيوم و ورق المطبخ احسن بزآآآآآآف من هاد الشريط لي انا شريتو جاهز

لعمل هاد الكيك فالمنزل كنحتاجو ل

ورق مطبخ او قطعة ديال القطن كلها تكون قطن

نقطعو شريط من ورق الاليمينيوم على حسب المول ديلنا و نخليو واحد 4 سنتيم زايدة

نعمل الورق المطبخي او القطن فالماء البارد و نخليه يشربو مزيان

من بعد نعملو فقلب من شريط الاليمنيوم و نلوية بحيث مايبانش لي الثوب المقطن او ورق المطبخ

نلويه علي القالب ديال الكيك و نقفل الجناب بفنيتة او ابرة المهم نتاكد راهو ماغديش يتحل 

هنا عملت الجنواز و عملت 2 وحدة بشريط لي انا شريت و وحدة بشريط لي عملت فدار

دخلت الكيك للفرن 

هاهي النتيجة منين خرجتها من الفرن

نتمنى من الله ان هاد الطريقة تعجبكم و نتمنى من الله اني نكون توفقت بشرحها

في امان الله